زان القصيد وزان لي بدع الامثال
وأخص دغمان الوغى والهوايل
والنعم باالدغمان لا قلت الأبطال
اللي لهم في أرض ربي فعايل
القرم فيهم باالميادين لا جال
لا سل سيفه دم الاخصام سايل
دغمان وقت المعركه ترعب رجال
من دون قصرٍ في رجال القبايل
رهبه وهيبة قوم للقوم لا عال
تدحم وكلاٍ للفعايل يخايل
هذا الرويلي لالفا الوقت باهوال
للضد ضد وللثقيلات شايل
روله كفو والنعم لباسة عقال
قبيلةٍ فوق الفعل والمثايل
سلام ينصاكم كما صب فنجال
وكما الحرار اللي بروس الطوايل
بالعود الأزرق والمباهير بدلال
يشوفها الطرقي فعول ودلايل
والنعم يافعلٍ تقدم بالأفعال
ولحدٍ نكر ماصار وقت الفعايل
قلت القوافي ياعسا جبتها ثقال
مني وانا من فوق روس الطوايل
قلته وانا من قوم حماية الذال
خطلان الأيدي والفعل دوم هايل