غريبة كيف تجرحني وتسأل ياالغضى مجروح
وترجع لي وتترجى سماحي لك وبأمانه
نقشت الجرح في جوفي مثل نقش الحرف بلوح
ترى جرحي هنا غاير ويبقى بحكم سجانه
حسيبك للزمن والله حسيبك وين مانت إتروح
عقب ماني تجرعت الألم عايشت إدمانه
جروحي قاصيه فيني ولكن الدمع مفضوح
وكيف إتعيش يا قلبي وجرحك عايش أحزانه
سقى الله يوم أفضفض لك وانأ بوحٍ يروي بوح
سقى الله يوم أسقيك الغلا وأرويك تحنانه
أنا ياقاتلي باصيح للدنيا ترى مسموح
عسى الله أتناسى حبنا وأيام أزمانه
خلاص أصبحت في عيني سراب وما يلاقي طموح
خلاص أرجوك لاترجع تنادي الصفح بأمانه
نقشت الجرح في جوفي مثل نقش الحرف بلوح
ترى جرحي هنا غاير ويبقى بحكم سجانه