الندى  

مالغيرك حقيقي يرتقي بالقصيد
ومالغيرك تزين وترتعش له القوافي

بس ازيد بحروفي ياحبيبي وأعيد
وحبنا شي واضح للبشر مو خافي

بات لي لحن حبك أمنيات ونشيد
بات يبري جروحي ولخفوقي تشافي

خلهم يسمعوني في كلامٍ مفيد
النهاية عشقتك ياعيون السنافي

انت هتان روحي وانت حبي الوحيد
وانت فرحة عيوني وريق بلسم وصافي

حبنا دوم يكبر مثل حب الوليد
فاض سيله وتعدى في حدوده الضفافي

حاضري انت وحدك ياقديمي التليد
ثروةٍ في حياتي ياخلاصة قطافي