قصيده مرثيــه للغالي أخــوي احمد أســال الله يعوضــه الجنــه,,
تـوفــي إثـر حـادث ,,
حل القضا وأصبرت والحمدلله
راضين باللي قدرالله وكاني
ياقو عزمي يابشر قواه
فقدت شوفة واحدا ًمن إخواني
من حر مأنس بين الأضلاع قلت آه
لو كان ماتنفع وفات الأواني
واخويه اللي قدر الله بفرقاه
ياليت ربي قبل موته خذاني
لاغاب عنا ليلتينً فقدناه
وشلون لامن غاب طول الزماني
ماهوب غايب في سفر وأتحراه
لا والله إلا راح ماعاد جاني
احمد ياوجدي على سعد وجداه
اللي ليا أحتجته بروحه فداني
وان قلت له يااحمد ماقال لي هاه
واليا ومرته طاعني ماعصاني
أخوى الصغير أغليه وأعطيه ماتمناه
طيلة حياته كلها ماجفاني
في ذمتي ما انسى خياله ولاانساه
لو اني اللي ميت ما نساني
لوهو بكيفي موتره ما توطاه
والا بحول الله وطاه ووطاني
لاوا حسايف ليتني كنت وياه
في الحادث اللي صار والعمرفاني
اما سلمنا والسلامه من الله
واعيش انا وياه لا يوم ثاني
والا نروح روحة امقيط ورشاه
وارتاح في قبري وقبره وزاني
اخوي وش تسوى حياتي بلياه
عقبه تبا ثلاثين تعود ثماني
ماباقي في بيتنا كود ذكراه
غير الثياب وغير بعض الأواني
ومن إستراحتنا فراشه طويناه
ورحلت لجله من مكان لمكاني
ياحي هاك الوجه لاوا حلالاه
لاقام في صفي وشاش ونخاني
وأصبحت مثل اللي قطع كف يمناه
وأطعمت طعم الخوف عقب الأماني
ماعاد لي قيمه ولاعاد لي جاه
والحال فيها النقص والحيل واني
يااحمد ياويلي من الغبن ويلاه
عزالله ان الهم عقبك ولاني
واخير ما هدا ضميري وعزاه
وخلاني اصبر واحتسب لو اعاني
رجاي بالله واطلبه واترجاه
اللي خذك مني وفيك ابتلاني
يارب ضيفك جاك يوم القدر جاه
ضيفك يبي رحمتك يالمستعاني
انت الكريم انت الرحيم انت مولاه
يارب بدل سيئاته حساني
ادخل على وجهك من النار تحماه
عبدك بوجهك من مقر الهواني
حيثه موحد وأنت تعلم نواياه
يصلي الفرض ويصوم رمضاني
يا الله تعوضه في شبابي وتجزاه
باالعفو والرحمه وخضر الجناني
في أول شبابه وأوله يعني أتلاه.
وعشرين سنه عليها التماني
ما أمداه يوصل مايبي لكن أمداه
يصير وافي في جميع المعاني
أثبت وجوده والسعد في محياه
إلاولا قدحس ربع وعواني
والضيف يلقى واجبه حين ينصاه
غير الجانب الزين حيلاً سماني
ياما جعل رووس الأعادي موطاه
وياما رفع راسي عريب المجاني
ياقبر أخويه واهنيك هنياه
ياوالله اللي مسكنك
