د.عبدالرحمن السعيد
فـأمان الله يانور العيون وفرحة أيامي
فـأمان الله ياطب الجروح لقلبي المشتاق
فـأمان اللي يحفظك ياحقيقه تكسي أحلامي
أنا أستودعك ربي وأدعي لك من الأعماق
عسى مايلحقك ضيم السنين ونفحة ألامي
عسى مايكسرك هم الزمن وإلا ولده العاق
عساكِ دوم في راحه ياأجمل صوت بأنغامي
نقشتك في صدر عمر الحنين بقاصي الأفاق
كتبتك عطر يسترسل عبيره بجرة أقلامي
رسمتك ورد في نظرة أمل ويعانق الأحداق
رويت إبك الزمان اللي مضى لي قاسي وضامي
عتقت إبك القيود اللي كست لي في الزمان أعناق
أنا أستنشقك نشوة عناق وحلمنا سامي
أنا أتخيلك بلسم على جرح البعد ينساق
حبيبي في أمان الله عسى الباقي من أيامي
فدا عمرك عسانا نلتقي يالوعة المشتاق
