عبدالرحمن السعيد
عبدالرحمن السعيد
عينك بحر من غير مينا وساحل
وأنا غريقك في وسط لُجة الشوق
( أنتِ حياتي في جميع المراحل )
من مبتدا عمري إلى آخر إشروق
ماكل من نلقى مع الوقت راحل
بعض البشر صورته ماتفارق الموق
الروح بيدا وقلب الإحساس قاحل
والدمع هامر مثل شلال من فوق
أنا هدوء الشط عند السواحل
وفي داخلي عدة صراعات وحروق
أضداد فيني خلت القلب ناحل
صبرت وأنفاسي بها الحِس مخنوق
شدّيت أسرار ي بظهر الرواحل
وخبيتها فآخر زهابي بصندوق
سامحت أوجاع الزمن لو تبي حل
لكن معك قلبي مطارد وملحوق
سافرت في عينك ولا شفت ساحل
أنا غريقك ماأبي طاري الطوق
