د.عبدالرحمن السعيد
يامترفه يامن ملكتي حنيني
ياآخر الباقين من جنس حوّا
إن ماعطيتك مابقى من سنيني
وإلا عسى عمر العشق ماتروّى
أشتاق لك وإنتي يدينك بإيديني
وإشلون لاغبتي وقلبي تكوّى
أشتاق لك وإنتي مكانك بعيني
وإشلون لاغمضت والشوق نوّا
ياعيونه النجلا تعالي خذيني
وطفي هيامٍ مشعل القلب ضوّا
ياتاخذيني عشق ياتذبحيني
لان الظما يطوي المعاليق طوّا
بالحيل أحبك يانهاية أنيني
والشوق مثل الذيب لاجاع عوّا
إنتي بسما عشقي أميرة حنيني
وإنتي بقلبي آخر إحساس حوّا
