موسى بن محيا
جزل المعاني من التفكير نقطفها
وناخذ سمين الكلام ونصوغ الامثالي
وجزل القصايد لبدر الخير نحرفها
مثل الخيال الرزين لا هلّ وبّالي
وشرد النوادر من الهاجوس نخطفها
خطفة شجيع العرب للشامخ العالي
وشعل الغوارب على الباكور نعسفها
تنقاد بخطامها لأميرنا الغالي
حتى تدرهم على الجمهور يعرفها
الوسم وسمي وراع الصنف جمّالي
ماهي نفايل من التجار اوالفها
الكنق ابوها على النخبات تختالي
إبكار لا من سقتها تجفل ولايفها
يفرح بها الوابل المطنوخ بالمالي
مالى لزومً في غيره يوم اوقفها
لبن الملوك الكرام امعرب الخالي
اللي ليا زاغت الافكار يرصفها
على الصواب السوي والشك ابه زالي
بدر ينصب على العراف عارفها
الاسم بدر الكرم والخاطر إهلالي
مايحصي اعمال من خيرات يصرفها
يكود رباٍ كريماً بالسماء عالي
كل الحواتم في بطن الشيك يخصفها
يكثح وربي يزيد (الخير منهالي)
مثل البحر مدته هذي وصايفها
كريم ياموج مثل الغيث همّالي
واليا بطش بالعدى يمحي خلايفها
يالعن ثوى المعتدي في كل الأحوالي
واليا ضرب بالنظر الذيب يخطفها
اوامره بالنظر اترجم افعالي
من راس صقرً على الهدات يشعفها
يذبخ بمخلاب مثل السيف قتالي
من تحت سيفه املوك تطوى صحايفها
روس الرجال النمور ترمى على الجالي
الرأي قاسي ويمنا الصقر مشرفها
بكتاب ربي حكم (والخير في اقبالي)
وحّد شتات العرب واكرم ضعايفها
عساه في جنة الفردوس نزّالي
مثل الجسد مملكتنا مع طوايفها
اليا اشتكى فالجنوب فزّ ن الاشمالي
ياللي تسوق المراجل لاتوقفها
على شرف سيدي افيح ادلالي
وبنات فكري على الجزلات اعطفها
امدح واسوق المثايل من هوى بالي
بدر طليق الحجاج يديه مشرفها
بيمناً كريمه عطت (بالجود والمالي)
من تحت شيكه رقاب يطلق صحايفها
كم من سجين اطلقه من زاكي المالي
قدّر شيوخ العرب واكرم ضعايفها
عساه الذي عاقبك للحوض نزالي
مثل القمر مدته الكل شايفها
كل القبايل تعرفك طيب الفالي
مدة ملوك ماتحسب وش مصارفها
كريم يابدر مثل الغيث همالي
يامرحبا مرحبا مليون واردفها
بالنعم والطيب والترحيب فنجالي
وال بدر ابن الكرام والله لاصرفها
للي تعدا يزيد و زيد الاهلالي
بدر وجنبه صقور من يخالفها
يصبح كما المنتحر للقبر ينشالي
بدر وجنبه جوارح من يوالفها
(الاصقور المراجل شنها عالي)
سبعاً تهابه سباعاً في مصايفها
يشلع اقلوب الأسود اكبار الاسبالي
ياللي تحوف المكارم لا تكتفها
على سمع كل خلق اسوق الامثالي
فالسر والا في علم الناس أصنّفها
وعلى عيون العرب انوخ اجمالي
وصلوا على اللي يحذّر من يزيفها
يؤمر بربط الشعيره يوم الاهوالي
