الشوق زاد ومني القلب مسروق
ولا فيه شيٍ صار من دون سبه
كله سبايب كامل الوصف والذوق
لعب بقلبٍ ما حدٍ قد لعبّه
غير السهر والحب يا زين والشوق
قلبي تعذب وانت جرحه وطبه
يا غايتي لو كل مطرود ملحوق
شفت الغلى من يمكم والمحبة
يمر عام ولا حصل منك منطوق
ما هو بسيط يصير بين الأحبة
حبك ترا يجري مع الدم بعروق
بعروق قلبي لين ياصل مصبه
احفظ غلاتٍ بين عاشق ومعشوق
واحفظ كلام اللي بحبك كتب به
إلك علي حقوق وانا لي حقوق
إلى متى وامورنا مستتبه
وانته ترا ضمن المخاليق مخلوق
بأنبهك لو كان ما تنتنبه
ترا الخلائق عندها عيون وحلوق
الزين غير الشين ماحدٍ يسبه
إما يلوح بوسط عيني لك بروق
ودرب الجفا يا غاية الروح كبه
والا الفراق اللي يبا يكحل الموق
يجيك ذعذاعه وصوتي ينبه
هذا كلامي جاك وانا ولد روق
والأدمي عمره على يدين ربه