عبدالرحمن السعيد
إشتقت لك والعين تبكي ملامحك
وصورتك في عيني نهار وعشيه
بعيد عن عيني عسى الله يسامحك
ويعينني بالصبر رب البريه
هذا أنا اطرد سرابك وطامحك
ولا لقيت إلا التعب والأسيه
إشرب زلالي وأروني زود مالحك
وأنا أتجرع كل شربه هنيه
ماني أحبك طامعٍ في مصالحك
حبي مثل حب قيس للعامريه
لو تزعلي قلبي يجيك ويصالحك
يسجد على باب الغلا يابنيه
يرسم على شفتك حاله من الضحك
يمسك يدينك يرتمي بك عليه
ياعنفوان العشق وإشفيه جامحك
قاصي طموحه يرتكب بي خطيه
أنا الغرام اللي ملكته وصافحك
وأنت الحبيب اللي من الله هديه
الشوق له طرفٍ من بعيد لامحك
والرمش لاجلك صار يازين فٓيّه
تعال سولف لي عن أشواقنا وإحك
تعال وإسمعني وماصار ليه
الحب في صدري نقش لي ملامحك
وأنا مع صورتك صبح وعشيه
