صاحبي وش عاد عذبني السؤال
أنت ناوي وصل ، وإلا قد سليت
صبر ياما في هواك الصبر طال
هم ، وياما هم قلبي قد شكيت
ابغا واقع ماهو من وحي الخيال
ابغا لحظه فيها يكمل مارجيت
قلبي حاير بين شوقي، والمحال
وين حرفك ماله بالأسماع صيت
لالا تحسب.. صاحبي للناس بال
دام حبك له بجوفي.. اليوم بيت
عيني بك يابدر .. تحلم بالكمال
عندها تسوى الخلايق لاضويت
عليك نظره .. حيل سوتلي هبال
طحت باهوال المحبه ماوعيت
كنت اشوفك قلب وافي بالوصال
ليه عن صادق مشاعرنا .. قفيت
ماهي عدله عقب وصلك والدلال
ارد كني .. لاعشقت ، ولا هويت
يازين يكفي بس عذبني السؤال
من رحيلك .. يشهد الله ماهنيت
محمد السفياني
