د.عبدالرحمن السعيد
إن فقدتك تستفز إحروف شوقي في القصيد
وإن لقيتك تنحني كل القصايد و الكلام
ياوجودي يوم غبتي عن عيوني يوم عيد
كيف أعايد من لقاني وإنتي بالدنيا السلام
قد مااحاول أجامل وابتسم فيني يزيد
حزن أنفاسي وتظهر حيرتي بوجه الأنام
يامشاعر خافقي مابينكم رجلٍ رشيد
يمسك إزمام المحبه ويعتني بأم الزمام
وانت ياقلبي الجريح اصبحت من حزني شهيد
من كثر طعن المحبه وشي من قل إهتمام
كل يوم أسأل غيابك ياتُرى هل من جديد
والإجابه صمت يحضن صوت آهات الغرام
ياطيوفه طمني خوفه أنا باقي وحيد
أعشقه لآخر رمق فيني وانقش له وسام
جيت أستأذنك يادمعي عسى عمرك مديد
وأرسمك لوحة غروب الحزن في حلم الهيام
افقدك يحضر قصيدي يابعد روح القصيد
وتحضرين ويبتدي بوح النظر وانسى الكلام
